SOBRARBIA

SOBRARBIA

tractus Aragoniae, versus Cataloniam et montes Pyrenaeos, alias cum titulo regni, inter Oscam, Barbastrum, Nogueram Ripacurtianam fluvium et montes Pyrenaeos. Eius caput erat Aynsa, oppid. ad Cincam fluv. Initium regni huius Garsias Gothus, Aynsâ urbe Saracenis ereptâ, iecerat, A. C. 727. Sed nihil aliud fuisse antiquos Suptrarbiensium Reges, quam signiferos ductores, docet Hieron. Blancas in Histor. rerum Hispan. quod olim inter homines militares gloriosum valde erat. Henr. Spelmann. Glossar. Archaeol. in voc Banerettus.